أَلَمْ صَامَتْ

بابا أنا تعبت والله تعبت، كل يوم صراخ ومشاكل، أمي وينها ليش راحت لعند ستي….

خلص يا ولد أمك ما إلها رجعة على البيت… الحق عليها هي طول عمرها نكدة وأنا بطلت قادر اتحمل كل هل الضغوط، فواتير الكهرباء والماء ومصروف البيت ومصاريف الدراسة… هي طول وقتها قاعدة على الفيس والواتس وأنا ولا حدا فيكم حاسس فيي، ما في مصاري شو أعمل… شو أعمل يارب…

ماما ليش رحتي من البيت برضيكي نضل لحالنا… أبوك هو السبب ما بده يتعرف على شي… الكهرباء عم تنقطع ومي ما في .. وأخوانك بدهم مصاري لأقساط المدرسة… وكل ما بذكره بشي بيصير يصرخ وينكد وشو ما بعمله ما برضيه.. فوق كل التعب الي بتعبه في البيت، الطبخ  والغسيل والجلي وتدريس أخوانك وتربيتهم… وكله على الفاضي……

حبيبي أخوي ليش ما عم تدرس، إنتا لازم تدرس منيح وتجيب معدل عالي مشان تقدر تدخل جامعة……. ليش أدرس؟؟ ولشو المعدل العالي؟؟ شوف أبوك متخرج من الجامعة مهندس وشوف كل يوم بشتغل شغلة جديدة، الدراسة ما بتطعمي هل الأيام خبز، خليني بحالي خليني ألعب وأتسلى بركي بنسى مشاكل أهلك وصراخهم كل يوم…

أختي حبيبي ليش هيك طالعة شو هذا إلي لابستيه، وليش كل يوم هل السهر؟؟ لو سمحت حبيبي أخوي ما تتدخل فيي أنا هيك بلبس وهيك سهراتي أنا وصحباتي، أنتا شو بدك… أنا ما عم بعمل شي غلط هيني عم بشتغل وبصرف على حالي، اتركني أعيش حياتي وأنسى مشاكل أهلي والعيشة النكدة الي نحنا فيها…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s